ជេកស៍ជាក្រុមហ៊ុនផ្តល់សេវាហិរញ្ញវត្ថុឈានមុខគេមួយនៅក្នុងប្រទេសជប៉ុន ហើយបានចាប់ផ្តើមជាអ្នកផ្តល់សេវាឥណទានប្រចាំខែនៅក្នុងក្រុង ហាកូដេតិ(Hakodate)នៃកោះ ហ៊ុកកៃដូ(Hokkaido) នៅក្នុងឆ្នាំ ១៩៥៤ ។ ចាប់តាំងពីពេលនោះមកក្រោមទស្សនវិស័យរបស់ស្ថាបនិកដែលបានផ្តល់តម្លៃលើការជឿទុកចិត្ត និងភាពជឿជាក់ ជេកស៍ បានបន្តពង្រីកអាជីវកម្មរបស់ខ្លួននៅទូទាំងប្រទេសនិងបានពង្រីកអាជីវកម្មរបស់ខ្លួនបន្ថែមទៀតទៅក្នុងទីផ្សារតំបន់អាស៊ី។អាជីវកម្មចម្បងរបស់ ជេកស៍ រួមមាន៖ អាជីវកម្មឥណទាន និងអាជីវកម្មហិរញ្ញវត្ថុដែលរួមមានការធានាឥណទាន និងប្រតិបត្តិការផ្សេងៗទៀត។ យើងបានយកជំនាញរបស់យើងនៅក្នុងអាជីវកម្មឥណទានអតិថិជនដើម្បីស្វែងរកការពង្រីកទីផ្សារនៅក្នុងតំបន់អាស៊ានដែលជាតបន់កំពុងលូតលាស់យ៉ាងឆាប់រហ័ស។ បន្ទាប់ពីបានចូលធ្វើប្រតិបត្តិការនៅក្នុងប្រទេសវៀតណាមក្នុងឆ្នាំ ២០១០ យើងក៏បានពង្រីកប្រតិបត្តិការទៅប្រទេសឥណ្ឌូណេស៊ីក្នុងឆ្នាំ ២០១២ និងប្រទេសហ្វីលីពីននៅឆ្នាំ ២០១៦ ។ យើងមានគោលបំណងដើម្បីរក្សាស្ថេរភាពនៃប្រតិបត្តិការរបស់យើងខណៈពេលដែលយើងបានពង្រឹងមូលដ្ឋានអាជីវកម្មរបស់យើង និងបង្កើនកិច្ចខិតខំប្រឹងប្រែងដើម្បីពង្រីកអាជីវកម្ម។ យើងក៏ស្វែងរកការថែរក្សាទីតាំងកំពូលនៅក្នុងទីផ្សារនីមួយៗផងដែរ ខណៈពេលដែលបង្កើតវត្តមានម៉ាកដ៏រឹងមាំ។ យើងក៏នឹងដាក់ពង្រាយធនធានអាជីវកម្មនៅក្នុងបណ្តាប្រទេសអាស៊ីអាគ្នេយ៍ដែលកំពុងរីកចម្រើនយ៉ាងឆាប់រហ័សដើម្បីវាយលុកទីផ្សារថ្មីៗ។